2019年9月6日 星期五

2019海洋公園哈囉喂全園祭 驚嚇路祭飯及萌爆Line Friends套餐

海洋公園哈囉喂即將開始啦,今年係以全園祭為主題,而海洋冰室亦變成「血獄」聖癲牢,聖癲牢內有一所監獄,大家可以入去打卡影相,美食方面今年真係大玩中國傳統禁忌,自問大膽又百無禁忌的人必試【神憎鬼宴】路祭飯,加埋三柱香的「香爐」布甸,真係大吉利是,未夠過癮的話,仲有【冥通銀行曲奇】等緊大家,「陰司紙」像真度超高,買嚟送比朋友一流。
今年餐廳亦提供一系列驚嚇度十足的「嚇破膽」主題美食,有中及西式,不論任何國藉,只要夠膽一試,總會令人十分難忘。
「血獄癲牢」哈囉喂全園祭套餐 $298
供應地點:海洋冰室
供應日期:9 月 21、22、28、29 日;10 月 1、4 至 7、11 至 13、18 至 20、24 至 27、31 日;  11 月 2、3 日
 全園祭套餐大玩「老鼠」、「曱甴」、「昆蟲」等暗黑動物,而且賣相都好迫真,特別是以西梅乾做的曱甴,加上兩條觸鬚,能夠以假亂真
 「老鼠」係炸帶子芝士飯糰,「劏」開隻老鼠後,裡內還滲著鮮紅色的芝士「血」,自問膽量夠的你必試。
仲有一條條用意粉做嘅「幼蟲」,係「血淋淋」的腦漿內爬出來,「腦漿」其實係意式燴雜菜,不過對怕蟲的喵,就必須要過心理關口。
主菜就係巫術娃娃,仲有西梅乾造型的「曱甴」係鮑魚飯上爬。
甜品係一隻BB手在泥地爬出,其實係香濃朱古力撻,驚嚇程度十足。
神憎鬼宴 $111
供應地點:亞陳麵檔 / 詠藜園
有西餐就有中餐, 自問是百無禁忌的喵,幸好過了農曆7月,如果唔係見到呢個「路祭飯」真係大吉利事啊,加上定價是單數$111,真的不得不佩服樂園的設計心思。
神憎鬼宴」有芝麻醬豆腐,擺明係「呃鬼食豆腐」,仲有白切雞腿、芽菜豆腐湯、香橙、白飯及三柱香的黑芝麻布甸,借問聲夠唔夠膽百無禁忌一試。
孟婆湯 $35
供應地點:亞陳麵檔 / 詠藜園 
飲過孟婆湯踏過奈何橋,忘記前世所有恩愛情仇及煩惱,孟婆湯係以當歸、熟地及豬骨熬成的足料的豬骨湯,飲完可以盡情「上路」去玩。
黑芝麻布甸$32
供應地點:亞陳麵檔 / 詠藜園及 O So Sweet
香爐杯造型的黑芝麻布甸,「香爐灰」其實係用黑芝麻加餅碎,芝麻味香濃,口感極像木糠布甸,插上三支「香」,賣相及味道拎滿分。
 朱古力心太軟配牛油曲奇 $50
供應地點:O So Sweet
八卦造型的牛油曲奇最為吸睛,牛油曲奇上印有公園內的餐廳及小食亭名字,好有心思。

 日式黑咖喱蘑菇粒平安飯 $38
供應地點:山上綠閘小食車
「地獄行尊貴套裝」牛油曲奇$68/6件
自問玩得嘅朋友,對「冥通銀行」新推出的曲奇又點睇,包裝大玩傳統紙紮,加上攪鬼陰司紙造型的牛油曲奇,帶有香濃的肉桂香,用來做手信最適合不過,收野啦朋友。
  睇完驚嚇血獄美食,當然要睇返一下萌爆的Line Frends主題美食中和一下嚇破膽的弱小心靈,仲好啱小朋友食。BROWN & FRIENDS 開心哈囉喂便當 $228
供應地點:熊貓薈
整個便當最
特別的是盛滿蔬菜的小南瓜,配上酸酸甜甜的菠蘿咕嚕海鮮,及可愛度爆燈的 SALLY 造型芒果慕絲,最啱揀飲擇食的小朋友。
小巫師 CONY 的魔法變奏
 匈牙利牛肉湯啖啖香濃的鮮茄味,酸酸甜甜,加上大量雜菜粒,夠哂開胃。
幽靈 SALLY 與南瓜
幽靈 SALLY 係用厚切的煙三文魚包著阿拉斯加蟹肉及爽口的紅菜頭絲沙律,夠哂fresh。
小巫師 BROWN 和 CONY 的浪漫夜空
以浪漫紫色芋頭朱古力及菠蘿椰子慕絲製成的雪糕棒長椅。
幽靈 BROWN 朱古力及菠蘿椰子慕絲批 / 南瓜 CONY 朱古力及菠蘿椰子慕絲批 $68
小巫師 BROWN 哈囉喂車厘子朱古力卷蛋 $68/件
萬聖節唔送糖果,不如改送車厘子朱古力卷蛋,同樣令人大愛。
SALLY 哈囉喂紅桑子馬卡龍 $58
巨型的馬卡龍是Sally造型,內餡是吉士醬及紅桑子。
 小巫師 BROWN 和 CONY 浪漫朱古力撻 $48
南瓜 BROWN 和 CONY 貝殼蛋糕 $30/2件

9月21日約定大家見面啦。

海洋公園「哈囉喂全園祭 」
日期︰2019年9月21日至11月3日


Welcome to Visit : 



沒有留言:

張貼留言