話說早陣子有對新人鬧爆了某攝景師的影相手法，又有新娘鬧爆化妝師的化妝，但真心覺得比少少錢想洗死人咩，事前點都有夾過下，冇理由去到 big day 先黎話唔滿意，話人地伏麻，即係咁，香港人好喜歡付出少少但又想獲益多多，學得啊媽話齋 "一分錢一分貨啊，老細"
好吧，說回我的 Pre-wedding，我開始明白點解Man Chan x simon.the.photo 的回頭點擊率會高企，因為佢地真係好有heart 去做，愈是要求高的化妝師及攝影師，愈是對美有要求。
當日 10:30 我地就去到 Simon Ho 的 Studio 了，不過天氣不似預期，下著雨，又話會又雷暴，我地都好擔心會唔會改期，不過好好彩，雖然天氣很陰，但係到我地out door 時又冇d 咁既問題，最麻煩的就是帶著大粒墨出去.
11:00就開始正式化妝，Man Chan 將佢成套架餐搬哂出來，下雨天，辛苦她了。
Man Chan 一個女仔捧住呢箱重到無朋友既野搭巴士過海, 都未話唔辛苦，辛苦你啦。
Man Chan 會將多種粉底液混和一起使用，令新娘的妝容貼近膚色之餘及顯出立體感，令底妝很透薄，呢個底妝亦成為佢人氣高企之一，亦係很多名人搵佢化妝既原因。
除了她拿手的底妝外，眉毛亦是很重要的一環，單是描畫小喵的眉，就用了大半個鐘，Man Chan 比起其他 MUA， 就強在於此。
開始set 頭啦。
Man Chan 有問過我想要咩造型，但我真係冇乜idea，還是交比專業的她決定，今次造型以長髮自然捲為主。
對好多新人朋友而言，擺 post 真的很有難道，我亦不例外，而 Simon 就會不厭其煩的教導及令我地笑，務求令我地神情表達得最自然。
而 Simon 擅長就是捕捉新人較靚的一面，畢竟不是人人都有一張漂亮的面孔。
但對 Simon 而言，最難捕捉的相信莫過於小動物，Simon 為了拍下我家的大粒墨，整日扮貓叫吸引大粒墨注意，為難了堂堂攝影師的他吧。
我家大爺化妝後係咪好似某位影星呢。
當去到Outdoor 拍攝時，只要個妝有少少油同溶，頭髮稍為一點亂，Man Chan 就會好貼心立即地補，仲要負責幫 simon 擔埋遮，全程也不會用她的助手跟新娘呢，這就叫專業，找到一位好的化妝師莫過如此。
以 simon 則會按照當日的造型，選取拍攝的地點，至如是什麼feel，simon 決定好了，因為我覺得新人可以有自己想要的感覺，但當成件事要發生的時候，我相信自己的眼光不會夠他們的專業，只要選對攝影棚及化妝師，其他的就放心交給他們吧。
比住一些相給大家看，小心閃親。
Man Chan 幫我做的結婚娃娃。
娃娃跟我的造型是一樣的。
Simon 見當日可能會下雨，臨時幫我地準備既透明雨傘，專業就是當日也可以按天氣取材，十個讚。
呢條 jumpsuit 婚紗是 Man Chan 在影相前 3 天才趕工完成，真的很感謝她的幫忙。
雖然很多朋友會影好幾輯 Pre-wedding 作留念，但對小喵以言，好的一輯就夠了，正如攝影師及MUA，好的一對就夠了，在是此拍攝中，只要懂得尊重彼此的意見，想要靚相實在不難，在此再次感激 Man Chan 及 Simon 的幫忙。
Man Chan Makeup︰
simon.the.photo︰
Welcome to visit :
the Ztyle , Beauty Exchange , She.com ,beautylife,Ubeauty , quooza, iMore, BlogSpot, ElleBlog, BlogDB, Weshare , Beauty Qooza,Glamablog, Cossip, PIXNET
Instagram: kittyxbeanscat
Fans Page :
e mail : kitty-yau@hotmail.com / bearpigcat4321@yahoo.com.hk
沒有留言:
張貼留言