【深水埗素食】 鴻發涼茶 | $8抵食懷舊中式糕點

說到傳統中式糕點，大家一定會諗起兩間米記推介的方太同坤記。但不得不提深水埗區其實有一間隱世的涼茶鋪 - 鴻發涼茶，其貌不揚，只夾在兩間大舖中間的一間小舖位，行過真的好容易錯過，真的好易走漏眼。其主打中式傳統糕點、糖水及涼茶，保存着家庭式的製作，只有區內街坊及愛好傳統中式糕點的人才懂得找上門，因此很多熟客都是專程跨區慕名而來，個人覺得質素上絕對揮得底兩間米記糕品。

呢間小店的糕點出名除左抵食夾大件外，最仲要係真材實料，而且味道不太甜，我只能用糕狀的中式糖水來形容它。 延伸閱讀︰【元朗素食】素苗 | 小隱於野的素食Omakase

現今物價騰踴，還記得早兩年仲係賣緊$6/件，今年已經加價到$8，不過依然係性價比高，令人食過返尋味。其鎮店之寶是紅豆糕及痱滋茶，每日限量發售，基本上一個下午就會賣清光，我試過6點去已經乜都無，所以想食就要襯早。

小店連包裝都係好簡單，一個普通膠袋帶着滿滿的美味，如同小店作風，充滿個性。事實在現今的世界，必須要有獨特的風格以及保持初心，才能細水長流。

今次買左紅豆糕、綠豆糕、芝麻糕、蘿蔔餅同芋頭餅，2鹹3甜，都只係$40，作為宵夜同下午茶，絕對吸引。

招牌陳皮紅豆糕 紅豆糕是這裡的招牌，質感厚身挺實，紅豆粒多到爆滿，粒粒紅豆軟糯起沙，細嚐下仲夾雜一絲絲的陳皮，淡淡的果皮香從口內散發，齒頰留有回甘及豆香，充滿口感，絕對是食緊一件陳皮紅豆沙。

期間限定臭草綠豆糕
青綠色的綠豆糕其實坊間比較少見，大多都是用去了皮的開邊綠豆，所以色澤偏黃，其藥用價值亦沒有原粒的綠豆高。而鴻發是選用原粒綠豆，所以自帶天然的綠豆色，質感同樣扎實，帶有臭草的清香及綠豆香，是夏日的限定，清熱解毒，見到就唔好錯過。

養生芝麻糕

芝麻糕是店內唯一質感偏軟身的糕，黑芝麻炒香後，磨成芝麻糊，才製成軟糕，所以芝麻味特別香醇濃厚，每個功序都少不得，否則就不夠味，而芝麻糕入口即化，香氣四溢，若果芝麻味再濃多一點點相信會更加好。

另一個我喜歡的咸點是蘿蔔餅及芋頭餅，啱啱新鮮出爐，剛好煎得皮香肉透，捧上手仲係熱辣辣。外皮是用糯米粉做，不過就帶一點粉，但內在卻大有坤乾，芋頭粒粗而大粒，帶有五香的味道，夠哂粉糯酥軟；蘿蔔清甜爆汁，同樣惹味，讓人一吃愛上。

鴻發涼茶 地點︰深水埗元洲北河街128號
電話︰5405 3460

Welcome to Visit :
kitlindacat.com, She.com, Ubeauty, BlogSpot, Pixnet

Contact Me :
Fans Page :https://www.facebook.com/kitlindacat
Instagram: kittyxbeanscat

Website : https://kitlindacat.com/
e-mail : kitty-yau@hotmail.com