貓B 的世界: 【元朗素食】一素店 | 街坊價錢五星素食以素會友

今次老友一素店One Vegan Shop僑遷，
除左細舖搬大舖外，地方仲闊落左，
我呢啲咁粗心大意既人唔洗再就住一個神龍擺尾撞跌哂佢啲野。

據施老闆說新舖係以天與地為設計概念，
相比起舊鋪多了一分柔和的平靜，是十分樸實無華，給人很實在的感覺。
延伸閱讀︰【尖沙咀素食】凱悅軒 | 本地植物肉創川蜀惹味素菜

認識黃施老闆兩夫婦多年，眼見他們是遂小步走出來，
相對資金雄厚的大財團，能夠在百物騰貴下能夠實現自己的夢想，一切來得不容易。
其實香港地只要夠膽追夢，有自己的個性，哪有不成的道理，只怕自己夠不夠放膽去追。

兩位老闆皆是愛好舊物之人，專門收集懷舊物品，
新舖的擺設亦是跟著原舖充滿復古的英倫風，與新店毫無遺和感，
顯得更為入型入格。

除了本身主打外國進口的純素食品、寵物用品及本地種植的蔬果外，
仲多左Angela自家護膚品牌及Veggie2GO的輕食外賣，
如同一間純素的雜貨店。

Angela的自家製護膚產品全是無添加，無化學成份，是很solid，
自家研發的金盞花萬用膏是店內的皇牌產品，
是用不含農藥的金盞花提煉成花水，再加上超溫和的乳木果油製成，
用很少的份量就足夠，再配上她自家製的玫瑰花水，
兩者是四季保濕雙星，連濕疹皮膚都啱用，
但我還是最喜歡她做的手霜，是超級滋潤，期待她今年會推出。

第二推介的是精油，全是英國進口，一共有8款味道。

店內仲多左自家製的日本丹波黑豆茶及意式羅勒醬。

自家製純素曲奇

鈿鈿一口曲奇及純素蝴蝶酥更是我最愛的零食，

鈿鈿曲奇是有段故，是出自Angela對她兒子鈿鈿的關愛，

皆因鈿鈿一句「我喜歡」，

作為母親的她便不斷研發無化學成份的純素曲奇，

為的是兒子吃得開心與健康，

所以說母親絕對是世上最偉大的女人，

猶言如此。

鈿鈿一口曲奇，成份只有幾種，

沒有古怪化學的添加劑，夠哂簡單，

不過簡單得來也是不平凡，

鈿鈿曲奇竟有一種入口即化的口感，

外面香脆，內裡軟綿鬆化，

仲有烤過的花生粒粒在內，

與幼如粉末的曲奇一同在口內慢慢融化，

烤花生的香甜味道從中滲出，

一小粒的份量，令人吃過不停，

這樣的小點心有誰不愛。

純素外賣店 Veggie2GO

店內基本皇牌介紹完畢，說回主題了，新舖主打外賣素食，
餐牌上一共有十多款食品，有沙律、湯品、小食、主菜及甜品，應有盡有，
掌刁大廚Sunny係曾經任職多間五星級總廚，
為了推廣素食，將畢生功力運用係呢到，
他跟Angela是因緣而認識，因為「緣」才令我們大飽口福，也方便了無飯家庭。
所以絕對係街坊價錢食到五星質素，
不過呢間五星餐廳係只有外賣，無得堂食。

菜式主打自家製，不論醬汁、肉丸、甚至甜品的忌廉到餅皮也是出位這位大師傳的手筆，
不添加味精、蛋奶及五辛，大家可以放膽去食。
而我當然鍾情於小食，細細件可以食多幾款，
就是那一種食極都唔夠喉，總想每款也要試。
Angela見到我外賣的二人份量，十分驚訝，
「你地2個人食得哂?」
好食，一定食得哂，唔好食一啖都不會勉強，所以自肥是有道理。

日式照燒金菇卷
是賣相最精緻的一道菜，一串兩件很袖珍，
是用茄子扮肥牛，金菇食落仲有幾分鐵版燒的焦香，
加上微甜的燒汁，熱焫焫襯熱食，好食到唔識講。

香芋松露餅
而另一款我最喜歡的小食就係芋餅，在街等足3個鐘大師傅才弄好，
可想而知我係幾咁恨食。
芋餅亦係一素店的名物，逢下晝必定沽清，十分受食客歡迎。
芋餅內全是芋蓉，入口比芋頭魚偏軟及滑身，
內裡仲有芋粒，增加口感，充滿芋香。
最精彩的是炸得外脆內軟配埋個黑松露素沙律醬，令味道升華，
身為醬怪加芋痴的我，是我最最最鐘意食，等一下又何況。

華都夫沙律
是很Classic的美國沙律，內有沙律菜、西芹、蘋果片及杏仁片，
中間仲有提子乾及純素沙律醬吊味，沙律醬是自家製，夏日食十分清新開胃。

菠菜濃湯
濃湯每日都不同，視乎當日買到的食材而定，
今次係菠菜濃湯，濃湯的質感很濃稠滑身帶有蔬菜的清香，沒有半點菜青味，用料十足。

鮮牛油果炒七星米飯
食左咁多，都只係前菜，主菜終於出場。
我這個飯桶當然要食炒飯才能滿足，炒飯的味道一點不複雜，
配料有牛油果，松子仁，素肉碎，蘆筍，甘筍碎，
飯係用北海道七星珍珠米，米香濃郁而不油膩，飯粒分明，
岩哂我呢啲怕肥又想清清地既人。

有機肉醬意大利麵
同樣蕃茄意大粉亦是這裡的名物，
蕃茄免治醬是用新鮮蕃茄加香草而成，味道帶少少酸及濃郁的香料味道，
清新得來令人胃口大開，非茄膏能比得上。
特別一提，意大利麵是用上有名的杜蘭小麥粉(Durum Semolina) ，
杜蘭小麥出名夠麥香，質感特別彈牙爽滑，掛汁能力亦較高，
不好意粉的我也忍不住為了鮮製蕃茄醬爬多幾口。