餅呢家野有好多唔同既用途，就好似結婚，唔少得派餅，打工既朋友會有離職既時候，例牌 (應該都係例牌) 都要派下散水餅，又或者朋友生日，點都要買個蛋糕慶祝下，今次係尖東又搵到新野，就係我最愛既Twinkle Cupcake，今次Cupcake 賣相真係好鬼得意，係叫「扮清糕 By Twinkle」，而幫佢起個咁盞鬼既名就係本土文化專家Ben Sir。
今次「扮清糕」Cupcake 系列一共8款，以本港特式茶餐廳文化為創作主題。
「扮清糕 By Twinkle」 每件承惠$28
款款賣相都好精緻，全部跟足本港獨有茶記文化以創作，夠哂地道特式，相信外國朋友見到一定會好鐘意。
1. 凍檸賓
我最心儀的一定是凍檸賓，單是賣相已經好吸引，淡紫色的牛油忌廉是酸酸甜甜的利賓納味，忌廉上是一片沾滿了焦糖的檸檬片，檸檬片先酸後甜，中和了牛油忌廉的油膩感，以蛋糕底軟熟，內層有一點點的檸檬果皮，充滿層次感。
2. 咸檸七
不過我最鐘意都係茶記咸檸七，咸咸酸酸的味道最開胃，忌廉就是充滿咸檸七的咸味，加上一塊新鮮青檸，但內有乾坤，蛋糕入面係有話梅肉，口感咸得來，帶一點酸甜，愛吃酸甜的小喵絕對是die heart 粉絲。
3. 紅豆冰
紅豆冰的賣相又是很別緻，單是外型用上飲管、膠匙及茶記外賣的膠紙杯，賣相像真，而忌廉上佈滿了原粒紅豆，增加口感，而忌廉充滿紅豆碎及椰奶的味道，味道真的很像紅豆冰，而蛋糕內層是紅豆蓉，但頗為甜，創意之作。
4. 凍檸茶
跟凍檸賓一樣，忌廉上都是有一片沾滿了焦糖的檸檬片，蛋糕跟忌廉內是紅茶碎，令整個忌廉充滿紅茶味，糖粒增加口感及中和了檸檬的酸，入口茶味香濃，頗像吃的檸檬茶。
5. 好立克
好立克的味道比較偏淡，憑忌廉上的好立克糖去增加好立克的麥香味道，而麥餅亦顯得淋身，顯得忌廉有點過膩，而蛋糕就帶一點麥芽味，比較平淡。
6. 港式奶茶
港式奶茶出名的是軟滑，入口如絲，當然「扮清糕」係會扮得神似，同樣忌廉保持奶茶應有的絲質幼滑，帶有香濃軟綿的奶香及茶香，蛋糕托是仿茶記的陶瓷杯而設計，必具心思。
7. 奶醬多
多士粒變淋了，有一點韌，而忌廉是花生醬味，把奶醬多變為cupcake，還是挺新奇。
8. 菠蘿油
菠蘿油變為菠蘿cupcake，外皮是菠蘿油的脆皮，但漏放了一塊牛油，好在冇咁膩，但不失違和感。
今次 Twinkle「扮清糕」系列確有驚喜，以我極力推薦凍檸賓、咸檸七、港式奶茶及檸檬茶，除了賣相、口感像真道十足外，連Cupcake 的托也是必出心栽的設計，絕對充滿誠意。
咁得意既cupcake 一定要同班朋友分享啦。
以上產品及資料由品牌提供。
Welcome to visit :
the Ztyle , Beauty Exchange , She.com ,beautylife,Ubeauty , quooza, iMore, BlogSpot, ElleBlog, Weshare , Beauty Qooza, Cossip, PIXNET, Style-Tips, dimcook
Instagram: kittyxbeanscat
e mail : kitty-yau@hotmail.com / bearpigcat4321@yahoo.com.hk
沒有留言:
張貼留言