2018年8月12日 星期日

奇華餅家80週年 - 小丸子奶皇月餅班

就快到一年一度既中秋節啦,係呢個人月兩團圓既佳節裡,為了表示對挈愛既心意,就當然最好親手整月餅。而奇華餅家係香港老字號品牌,今年仲同小丸子Crossover 推出一系列【全新奶皇月禮盒】同埋【奶皇月餅班】,可以與摯愛一齊係呢個佳節共渡快樂時刻。

今次奇華工作坊月餅班由經驗老到的師傅教授了人見人愛的「小丸子奶王月餅」同「傳統雙黃金黃蓮蓉月餅」,令人大飽口福。
整月餅過程最緊要有耐性,係師傅既指導下幸好小喵不會燒掉整個廚房呢。
小丸子奶皇月餅造型十分可愛,是十分適合一家大細一齊參與的活動,而大朋友就最啱一大班朋友柴娃娃鬧著學呢。
月餅班的製作時間大概2.5小時就完成,製成品有8個奶皇月餅。
 
每位同學係師傅既教導下,都可以順利地完成,我都不失大家所望。
不過整月餅最緊要的步驟是掃蛋漿及糖漿份量要拿揑得準確,就可以令到月餅的造型份外鮮明及充滿色澤。

「小丸子現烤奶皇月」HK$112/4個
雖然未到中秋節,小丸子奶皇月餅班實在太受歡迎,已經全部額滿,但大家亦都可以到灣仔特色旗艦店選購新鮮出爐的小丸子奶皇月餅,一共有2款口味,分別是「小丸子蛋黃奶皇月」及 「小丸子朱古力蛋黃奶皇月」各兩個,而熱辣辣的奶皇月餅外層金黃鬆化,加上散發濃郁牛奶芳香的奶皇,令人一個接一個。
「小丸子鴛鴦奶皇月手提箱禮盒」HK$188/4個
而奇華餅家今年亦新推出了「小丸子鴛鴦奶皇月手提箱禮盒」,嫦娥造型的小丸子實在夠哂盞鬼,最啱氹人歡喜。
小手提箱更可作收納或珍藏用途,既環保又實用,隨禮盒更附送精美的小丸子麻布袋,啱哂一班小丸子迷收藏。
 「小丸子鴛鴦奶皇月手提箱禮盒」內是有「蛋黃奶皇月」及「朱古力奶皇月」各兩個,而月餅上仲印有活潑可愛的小丸子大頭肖像,可愛度爆哂燈,真係唔捨得食架。
「朱古力奶皇月」烤熱後的味道更像Brownie,而「蛋黃奶皇月」是曲奇餅外皮,奶皇充滿香濃的椰奶香,入口軟綿幼滑,一直深受大家好評
 除了小丸子禮盒外,小丸子仲帶埋一班同學仔同大家見面,包括小玉、花輪及野口同學。
「小丸子及小玉奶皇月禮盒 (兩罐裝)$80/2個
分別是 小丸子「蛋黃奶皇月」及小玉「芝士奶皇月」
「花輪及野口奶皇月禮盒 (兩罐裝) 」$80/2個
花輪「蛋黃奶皇月」及野口的「朱古力奶皇月」
「鴛鴦奶皇」 HK$213/8個
鴛鴦奶皇就最岩樣樣都想試既朋友,禮盒內有4個「蛋黃奶皇」及4個「松子蜂蜜奶皇月」/「朱古力奶皇月」/「芝士奶皇月」或「伯爵茶奶皇」,款款都充滿特式。
「御金奶皇」 HK$298/8個
是奶皇月餅的升級版,用上雙倍的咸蛋黃製成,面上飾以金箔,每一口都充滿著甘香。
「80週年限量月餅禮盒」 HK$338/6個
 今年正值奇華餅家80周年,特意推出「80週年限量月餅禮盒」,一盒內有三款傳統月餅,包括︰「雙黃純白蓮蓉月」、「金華火腿五仁月」及「十五年陳皮豆沙貢餅」,最啱送禮。
 「十五年陳皮豆沙貢餅」$298/8個
「十五年陳皮豆沙貢餅」是我極力推薦,向來愛好陳皮的我,也是食過返尋味。
 豆沙貢餅用上十五年的陳皮,面上以金箔點綴,顯得特別矜貴,而且入口回甘,充滿果皮的香氣,加上天津紅豆起沙的質感,入口清甜而不膩,毫不黏口,齒頰留香的餘韻持久不散。
陳皮貢餅一個字就係正。
為了配合健康的趨勢,仲有「麥芽糖醇高纖迷你果仁月」,內含南瓜籽、杏仁、松子及芝麻等多款高纖果仁,入口香氣泗溢,充滿口感,是愛好健康清新的朋友之選。
 奇華餅家80載,有咁多款月餅比大家揀, 不論送禮自用或是作為手信,總有一款啱大家,憑渣打信用卡仲有8折優惠,我都搶返幾盒做送禮勤。

奇華餅家 Facebook︰
奇華餅家 Website︰


Welcome to Visit : 


沒有留言:

張貼留言