還記得讀書個陣，好鐘意成日去無印良品買文具，當期時擁有一支無印筆就好像有一種無形的優越感，簡約得來又好像很有品味，時至多年後的今日，依然喜歡她，喜歡她實而不華，加上價錢大眾化，總好過去淘寶搵無良印品啊，最近我就愛上無印旗下的Café & Meal MUJI，主打健康輕食，仲有蛋奶素供應，大部份食材都係由日本直送，而且自家製做，品質自然有保證，係大型連鎖 Coffee Shop 以外的另一選擇。
Muji Cafe 一貫無印的風格，簡約的設計令人感到十分溫暖，舒適悠閒，而且員工也是十分有禮貌呢，總是笑臉迎人。
Cafe 內的冷熱盤櫃，每一季都會轉換時令食材，有20多款冷、熱盤選擇，令人保持著新鮮感，而【料理套餐】內可揀選三品、四品、五品料理，啱哂樣樣都想試嘅朋友。
而今次我Order 左四品料理套餐，連埋十六穀飯加餐飲，承惠$108。
而【紫薯青蘋果沙律】最有驚喜，在我心大心細，唔知點咩好嘅時候，眼見很多排在前頭的客人已經在點紫薯沙律，很快就清空一盤，當然我也不執輸要了一份，紫薯沙律的確香濃柔滑，加上青蘋果的酸甜爽脆，口感挺清新，色澤帶粉紫，自然相機食先。
每個套餐都會跟一碗十六穀飯，是以越光米混合大麥、紅米、玄米和黑米等十六種穀物而成，口感豐富，十分健康。
不過今次重點卻在甜品上，早已聽聞Muji Cafe 的甜品十分高質，聞名不如見面，今日終於能夠一會啦。
【烘焙茶布甸】 HK$40
布甸充滿奶香，口感幼滑，配上濃郁的凍焙茶及茶葉薄脆，味道甘甜，口感豐富，而最點睛的是面上的茶葉薄脆，芝麻糖烘得香脆，加上茶葉碎，甜絲絲的味道加上茶葉的香氣，令人一試難忘，遺憾的是只能跟隨甜品送上，無得單點散叫。
【期間限定】栗子戚風蛋糕 $40
戚風蛋糕口感軟熟，充滿蛋香，面層鋪上自家製栗子蓉，不多不少，口感細滑香甜，入口仲散發著陣陣栗子清香，相比起Mont Blanc 的甜膩感，我更愛這股簡約的清新。
【梳乎厘奄列配北海道宇治抹茶軟雪糕】$98
梳乎厘奄列係即叫即製，2個人食就啱啱好，梳乎厘散發著香濃蛋味，入口軟綿綿好鬆軟，加上外層烘至微脆，配上抹茶軟雪糕，值得再encore。
淋埋黑蜜同白蜜好正。
酷愛咖啡的我，一定要點一杯意大利咖啡，才能為一餐畫上完美句號，而Muji Cafe 的咖啡是採用雨林聯盟認證的巴西咖啡豆沖調而成，質地溫和，帶有焦糖及堅果香味，味道豐富，而每款咖啡會跟上無印的小曲奇，十分貼心。
【 蜂蜜玫瑰鮮奶咖啡】 $42
【紫番薯黑糖有機豆奶】 $42
將新鮮紫番薯加入有機豆奶沖調而成，口感細滑，散發陣陣紫蕃薯的清香，飲完成個人暖笠笠，加上用有機豆奶，十分適合素食朋友的需要。
下次嚟無印買開野，記得到Muji Cafe 嘆返個甜品同咖啡。
無印仲有咩好用?? 睇返我呢一篇就知。
Muji Cafe香港銅鑼灣利舞臺3樓
香港灣仔合和中心地下G5B店
九龍尖沙咀海港城海洋中心4樓407及415-419店
九龍西九龍奧海城2期G樓G78, K01-03及K05-10店
九龍九龍塘又一城LG1層LG1-30 店
沒有留言:
張貼留言